Amerikalı astronomların araşdırmaları nəticəsində kəşf etdikləri iki qaz buludunun, kainatın meydana gəlməsi üçün qəbul edilən nəzəriyyələrdə nəzərdə tutulanlara tamamilə uyğun gəldiyi məlumatı verilib.

Amerikan Science jurnalında nəşr olunan məqaləyə görə, bu qazların komponentləri, kainatdakı elementlərin mənşələri mövzusunda müasir elmlərdəki nəzəriyyələrdə nəzərdə tutulanlara tamamilə uyğundur.
Buna görə, kainatın meydana gəlməsi üçün qəbul edilən nəzəriyyəyə uyğun şəkildə Big Bang (Böyük Partlayış) əsasında əvvəl hidrogen və helium kimi yüngül elementlər ortaya çıxır. Bundan sonra bu çox əhəmiyyətli qazların ulduzları meydana gətirmək üçün sıxlaşmasından əvvəl yüzmilyonlarla il keçməlidir.

                                               İLK DƏFƏ ARAŞDIRILIR

Araşdırmanı edən və Sciencenin internet saytında nümayiş edənlərdən Kaliforniya Universitetindən astronomiya və astrofizik professoru Xavier Prochaska, hidrogen və helium kimi yüngül elementləri tapmaq mövzusunda indiyə qədər böyük səy göstərdiklərini deyərək, ''İlk dəfə kainatın ilk anlarında, ulduzlardan gələn daha ağır elementlərin qarışmadığı qazları araşdıra bilirik''- dedi.

                                               "BİG BANG"ın DƏLİLİ

Araşdırmayda iştirak edən Michele Fumagalli də metalların tapılmamasının hidrogen qazının saf olduğunu göstərdiyinə diqqəti çəkərək, ''Bu həqiqətən insanı çaşdırır, çünki bu Big Bang nəzəriyyəsinə görə, kainatda ilk qazların meydana gəlməsinə tamamilə uyğun ilk dəlildir''- deyə danışdı.
Amerikalı astronomlar, bu iki qaz buludunu ulduzlardan geriyə qalan uzaq kuasarların yaydığı işığı analiz edərək kəşf etdi.
Müşahidə Havaydakı Keck rəsədxananın teleskoplarından biriylə edildi.